चोइटाहरु -- ९

मलाई किन किन
विचारधारा नलिएको व्यक्ति
र धारा नजोडेको घर
उस्तै उस्तै लाग्न थालेको छ!

---

कतिपय सम्बन्धहरू क्रमश:

थोत्रे इलास्टिक बन्दारैछन्,

न चुँडिने, न तन्किने

नचुँडिने, नतन्किने

---

थाहा छ

मेरो यो छ फूटे शरीर

लाखौँ जीवहरूको घर हो

तर आफूलाई बचाउन

बजारे रसायन निल्दै पचाउँदै

म गरिरहेछु तिनको संहार !

---

आकाशमा उड्न नसक्ने

वा नपाउनेले नै हो रहेछ

यो धर्ती सम्हाल्नु पर्ने!

---

जुन ग्रहमा पुगे पनि

हलीको हातमा पर्ने

अनौ नै हो महोदय!