भन्न चाहेको जे होइन
सुनाउन नखोज्नु मलाईसुन्न चाहेको जे होइन
भनाउन नखोज्नु मलाई
दिन चाहेको जे होइन
देखाउन नखोज्नु मलाई
लिन चाहेको जे होइन
दिलाउन नखोज्नु मलाई
चिन्न सक्छु म सहजै
घृणा पोतिएको मुस्कान
बुझ्न सक्छु म पलभरमा
कपट घुसेको प्रशंसा
सत्य यही हो महोदय
तिमीलाई धेरै नलागे पनि
खासै थोरै चाहिँ होइन ल
मैले यो धरती देखेको
यही धरतीको माटो टेकेको
खासै थोरै चाहिँ होइन ल
मैले यो धरती देखेको
यही धरतीको माटो टेकेको
