नजर

अहिले म आफ्ना नजरले

आफूलाई मात्र हेर्दैछु,

अरूका नजरले पनि

आफैँलाई नै हेर्दैछु,

अलिकति धैर्य गरिदेऊ प्रिय,

अघाउँजी आफूलाई हेरेपछि

आफ्ना र अरूका नजरले,

अरूलाई र तिमीलाई पनि

आफ्नो दुनियाँ हेर्न दिनेछु !

हाम्रो पारा

तिम्ले मलाई उल्यायौ,

मैले तिम्लाई खुइल्याएँ,

आखिर भयो के त महोदय?

दुनियाँको नजरमा,

हामी दुबै नांगियौँ,

जीवनभरि बांगियौँ !

I Can Wait

Like Vladimir

Like Estragon
I can wait
But that Godot
Must come!

निंद्रा कि पानी?

माछा आकाशबाट बर्सेको

देखेर सपनामा,

घर छेउको पोखरी पुर्ने

हतार नगर न विपनामा,

तिमीलाई थाहा छैन र,

माछा हुर्किन निंद्रा होइन

धर्तीको पानी चाहिन्छ?

सल्लाह

हरेकको आ-आफ्नै दावी छ,

आफू नै अब्बल देखिने वेताबी‌ छ,

आफ्नो योग्यतामा विश्वास गर्नुस् महोदय,

अरूको वंशावली केलाउने बेला होइन यो,

तपाईंको हातमा न चुकुल न चाबी छ!

शुभेच्छा!

भन्नेले त भन्दैछन् मलाई

मन्दिरमा बास गर्नुहोस्

ब्रह्माण्डमा राज गर्नुहोस्

तपाईँ भगवान भइ दिनुहोस्

हाम्रो गाउँबाट गइ दिनुहोस्

स्वीकारोक्ति

कालोलाई कालो

सेतोलाई सेतो

होचोलाई होचो

अग्लोलाई अग्लो

देखेको यही हो मैले

भनेको पनि त हो यही

जे होइन त्यो देख्ने

जे हो त्यो नदेख्ने

तालीम मैले लिइनँ

किनभने म कहिल्यै

सत्य बदल्ने होडमा थिइनँ

उपरान्त

हिंड्नै पर्ने हो भने तर्किंदै

आफूलाई मन नपराउने

र पटक्कै मन नपर्नेहरूबाट,

अनि फर्किँदै

आफूलाई मन पराउने

र खूब मन पर्नेहरूतिर मात्र, 

बाँच्न सिक्नुपर्छ मानिसले

लाटोकोसेरोबाट

लाटोकोसेरोजस्तै

लाटोकोसेरोसँग

मनुष्य

मनुष्य त हमेशा चाहन्छ

देब्रे हातमा जादू, चाहिनेमा चमत्कार

एक चुट्कीमा सफलताको पुलिन्दा,

अर्कोमा कुबेरसँग साक्षात्कार!

If Someday

If someday your ears 

Spot your nicknames

Even in cacophonies,

That very moment

You will qualify 

To lead the world 

Of vulnerable gossip-mongers!