हे ईश्वर तिमी मलाई बहिरो बनाइदेऊ
श्रुति नहोस् दृष्टि मेरो गहिरो बनाइदेऊ
उड्नु छैन अनन्तमा प्वाँख टाली टाली
गुड्नु छैन अन्धकारमा सबै चेत फाली
बस्छु बरु एकै ठाउँ कर्म साधनामा
कुकर्मको बाटोभरि पहिरो बनाइदेऊ
बिकाऊ होस् नाम आफ्नो भन्ने छैन ध्यान
टिकाऊ होस् काम आफ्नो लिएँ यही ज्ञान
आफू दुख्दा ओखती त समयले देला
अरू दुख्दा उपचारको ओइरो बनाइदेऊ
हे ईश्वर तिमी मलाई बहिरो बनाइदेऊ
श्रुति नहोस् दृष्टि मेरो गहिरो बनाइदेऊ
No comments:
Post a Comment