Facebook Fragments XIV

गाह्रो छ साथी

जिन्दगीको हिसाबकिताब,

थोत्रो छ भने

आफ्नो कर्मको मिशिन,

घानीमा मुरी हालेर समेत

थोपा थोपा नै पर्खेर बस्ने हो

---

गज्जब लाग्यो

मेरो शहरका सडकहरू

जुम्राले त्यागेका शरीरझैं

लमतन्न तन्किएका रहेछन्

अनि ती जुम्राहरू पनि

शरीरकै दायाँ- बायाँ

थन्किएका रहेछन्

---

भूँडी भनेको यस्तो होस्

जसको कारण

ज्यान बनाउन सजिलो होस्

ज्यान चलाउन सजिलो होस्

ज्यान जोगाउन सजिलो होस्

---

Not that I back away from a battle

Not that I fear a fight

I just can't stand

If a baboon stands in the other side.

---

मर्त्यलोकको दौडाहामा छौ रे आजकल यमराज

त्यो कुम्भिपाकमा कहिले पो घान पुग्या होला र

भएभरका धुन्धुकारीहरू अहिले नै लिएर जाऊ

फुर्सदको चाङमा आङ सेक्दै काम थुपार्ने भैसक्या छु

यता आएको मौकामा मलाई पनि डेडलाइन दिएर जाऊ

---

ज्ञान, विवेक

अनुभव, उमेर

योग्यता, क्षमता

जो कोहीसँग होला;

तर अबको पुस्तान्तरण, महोदय

व्यक्तिको नियतको कारणले हुन्छ