चोइटाहरू -- ३

जहिलेदेखि मलाई

नामको आसक्ति भयो
तहिलेदेखि मेरो‌
कामको शक्ति गयो

---

के गर्ने होला हजुर यहाँ

माथि बस्ने रहरको नशाभन्दा

तल खस्ने डरको दशा ठूलो छ!

---

भाइरस बसेको ठाम,

भाइरल बनेको नाम,

कुन बढी खतरनाक होला?

---

कहिलेकाहीँ

माल पाएर चाल पाइन्न,

कहिलेकाहीँ

चाल पाए पनि माल पाइन्न,

जिन्दगी यस्तै हो क्या,

यो वेमौसमी झरीमा

सेन्टी कुरा नगरेकै जाती!

---

न पढ्नेमा प्रभाव हुन्छ

न लेख्नेलाई फलिफाप हुन्छ

थुतुनोको दर्जा कलमलाई दिनु

एक प्रकारको पाप हुन्छ