चोइटाहरू-४

खुट्टाको बलमा शिर सारा कीर्ति कमाउने

हातले थापेर तक्मा छातिलाई थमाउने

स्वाभाविक सहकार्य सामाजिक नियम यो

थाप्लोको वीरगाथामा हात-खुट्टा रमाउने

---

हल्कारूपले फुत्केको शब्द
बन्न सक्छ कहिलेकाहीं
तौलिनै नमिल्ने सास्तीको जड
बुझ्नु पर्ने यत्ति हो
थुतुनोमा कुनै जाली हुँदैन
चोट नदिने गाली हुँदैन

---

मीठो हुन्छ महोदय

मकै र भटमास

भष्मे बारीको,

टुप्लुक्क पुग्नु चैं पर्छ ल

खाने बेलामा !

---

छुद्र बचनले पस्केर दिए

भर्भराउँदो मासुभात छोड्छ,

निरन्तर अनुग्रह दर्शाइरहे

उपकार गर्नेकै साथ छोड्छ,

आम मानिस चिन्न गाह्रो छैन महोदय

आत्मसम्मान महसुस गराइरहे,

कर्मका लागि दिनरात छोड्छ!

---

कुरौटेजनको यात्रा

स्वर्गको हो कि नर्कको?

स्वर्गै त कसरी मिल्ला,

के अर्थ अरू तर्कको !